ಸಾವಿರ ಅವತಾರದ ಭಾರ ನನ್ನ ತಲೆಯ ಮೇಲೆ

ಸಾವಿರ ಅವತಾರದ ಭಾರ ನನ್ನ ತಲೆಯ ಮೇಲೆ

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ಎಲೆಲೆ ಚಿಲ್ಲರೆಯೋ ನಾರಾಯಣ! ನೀನೆತ್ತಿದ್ದು ಹತ್ತೇ ಅವತಾರ 

ಸಾಕು ಮಾಡೆಲೋ ಮಹಾವಿಷ್ಣು ನಿನ್ನ ಅವತಾರದ ಕಟಾ ರೋಪು

ಹತ್ತು ಸಾವಿರ ತಲೆಯ ಕಲಿಯೋ ನಾನು ಹೆಮ್ಮೆಯ     ಕನ್ನಡ  ಕವಿ

ಹೊತ್ತಿಗೊಂದು ಎತ್ತುವುದು ಅವತಾರವೋ ನನ್ನದೊಂದು ಟೀವಿ

ಹೊತ್ತಾರೆ ಒಂದು ಭಾವ; ಹತ್ತು ನಿಮಿಷದ ಮೇಲೆ ಬೇರೆ

ಕತ್ತಲಾಗುವುದರೊಳಗೆ ನಾಟಕ ಬದಲಾಗಿ ಬದಲು ನುಡಿಯೇ

ಇಂದಿನದು ಒಂದಾದರೆ, ಮುಂದೆ ಏನು ಆಗುವೇನೋ ಹೇಳಬಲ್ಲ

ಬೊಮ್ಮನು ಇನ್ನೂ ಹುಟ್ಟಿ ಬಂದೇ ಇಲ್ಲವೋ; ಬಲ್ಲವನೋಬ್ಬನೇ ಕಾಲ.

ಬರೆಯುವನು ನಾನಲ್ಲ; ಬರೆಸುವನೂ ನಾನಲ್ಲ; ಬೆರೆಸಿ ಬರೆಯುವುದಿಲ್ಲ

ಖರೆ ಮಾತ್ರವಿದು ಲೇಖನಿಯೂ ನನದಲ್ಲ; ಕವನಕ್ಕೆ ಅಪ್ಪ, ಅಮ್ಮನಿಲ್ಲ