ಮಾಡಿದವರ ಪಾಪ ಆಡಿದವರ ಬಾಯಲ್ಲಿ!

ಮಾಡಿದವರ ಪಾಪ ಆಡಿದವರ ಬಾಯಲ್ಲಿ!
ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ಮಾಡಿದವರ ಪಾಪ ಆಡಿದವರ ಬಾಯಲ್ಲಿ! ಕಾಡಿದವರು ಬೇರೆ ಎಲ್ಲರೂ!
ಮಲಿನದ ಮನಸ್ಸಿನಲ್ಲಿ ಮಂಗಳ ಕಾರ್ಯ ಮಾಡಿದಂತಾಗಬಾರದು, ಅಷ್ಟೇ

ಆಡಿದವರಿಗೆ ಚಾಟಿ ಏಟು; ಮಾಡಿದವರಿಗೆ ಮತ್ತೆ, ಮತ್ತೆ ಮರ್ಯಾದೆಯೇ?
"ಕುಂಬಳ ಕಾಯಿ ಕಳ್ಳರು" ಎಂದರೆ ಹೆಗಲು ಮುಟ್ಟಿ ಕೊಂಡವರು ಸಭ್ಯರೇ?

ಸಭ್ಯತೆಯ ಶಾಲಿನಲ್ಲಿ ಮುಖ ಮುಚ್ಚಿ ಕೊಂಡರೆ ದುರ್ನಾತವು ಹರಡುವುದಿಲ್ಲವೇ?
ಪಾಪ ಮಾಡಿದವರಿಗೆ ಕೋಪದ ಮುಖವಾಡ; ಬಾಯಿಲ್ಲದವರು ಬಾಯಿ ಮುಚ್ಚುವುದೇಕೆ?

ರಾಹು ಕೇತುಗಳ ಬಂಧುಗಳು ಮನೆಗೆ ಬರುತ್ತಿದ್ದಾರೆಂದು ಗೊತ್ತಿದೆಯಲ್ಲವೇ?
ಅದಕ್ಕೆ ಮುಂಚೆಯೇ ಮಂತ್ರೋಚ್ಚಾಟನೆ ಮಾಡಿದರೆ ನಮಗೆ ಕ್ಷೇಮವಲ್ಲವೆ?