ನನ್ನತೆ

ನನ್ನತೆ

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ನನ್ನ ನಾ ತುಸು ತಿಳಿಕೊಂಡೆ; ನಾನೆಂಬುದನೇ ಕಳಕೊಂಡೆ

ನನ್ನದೇನೂ ಇದ್ದಿಲ್ಲ, ಇಲ್ಲ, ಇರುವುದಿಲ್ಲವೆಂಬುದ ಅರಿತುಕೊಂಡೆ

ಚಿನ್ನವನು ಪುಟಕ್ಕೆ ಅರ್ಪಿಸಿದಂತೆ ಕಷ್ಟದ ಕಾಷ್ಟದಲಿ ಬೆಂದುಕೊಂಡೆ

ಖಿನ್ನ ಮನವಾದಾಗ ಸ್ವಭಾವವನು ಘನವಾಗಿಸಿ ಸಂಬಾಳಿಸಿಕೊಂಡೆ

ಕಣ್ಣು ನೀರಿನ ಚಿಲುಮೆಯಾದಾಗ ಗಳಗಳನೆ ಅಳುತ್ತ ಹಗುರಗೊಂಡೆ

ತನು ಜಡತೆಯಿಂದ ಬಡವಾಗಿದ್ದಾಗ ಧೃಡತೆಯಿಂದ ಬಲತುಂಬಿಕೊಂಡೆ

ಇನ್ನೂ ಏನೇನೋ ಕಾದಿದ್ದರೂ, ಬರುವುದೆಲ್ಲವನೂ ಬರಲೆಂದುಕೊಂಡೆ

ಏನೂ ಅಗಲಿಸದ, ಏತಕ್ಕೂ ಹೆದರದ ವಿಭಿನ್ನ ಜೀವಿ ನಾನಾಗುವೆ ಮುಂದೆ