ನೀವೇನಾದರೂ?..... ಯಾರಿಗಾದರೂ?

ನೀವೇನಾದರೂ?..... ಯಾರಿಗಾದರೂ?

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ಅವರು ಇವರಿಗೆ; ಇವರು ಮತ್ತೆ ಅವರಿಗೆ

ಕೆಲವರು ಬಾಗಿಲು ಮುಚ್ಚಿ, ಗುಟ್ಟು ಗುಟ್ಟಾಗಿ

ಪ್ರಿಯ ಪ್ರೇಯಸಿಗೆ; ಪ್ರೇಯಸಿಯು ಇನ್ಯಾರೋ ಒಬ್ಬನಿಗೆ

ಪ್ರಿಯನಿಗೆ ಮಾತ್ರ ಗೊತ್ತಿಲ್ಲ, ಏಕೆಂದರೆ ಗುಟ್ಟು ಗುಟ್ಟಾಗಿ

ಪಕ್ಕದ ಮನೆಯವರೋ, ಅಕ್ಕ ಪಕ್ಕದ ಬೀದಿಯವರೋ

ಸಿಕ್ಕವರಿಗೆಲ್ಲಾ ಆಗಿಹೋದರೆ ನಡೆದು ಹೋಗಲಿ, ಗುಟ್ಟಾಗಿ

ಕೆಲವರಂತೂ ತಮ್ಮ ಬಾಸ್ಗೇ; ಮತ್ತೆ ಕೆಲವರು ಪುಡಾರಿಗೆ

ಕೆಲಸವೇನಾದರೂ ಆಗಬೇಕಾದರೆ, ಕೊಡುವರು ಗುಟ್ಟಾಗಿ

ಕೊಟ್ಟವರಿಗೂ ಕೆಲಸವಾಗಿ, ಇಸಕೊಂಡವರಿಗೂ ಸಿಕ್ಕಿತಲ್ಲ!

ಯಾರಿಗೂ ಹೇಳ ಬೇಡಿ, ನಮ್ಮಲೇ ಇರಲಿ ಗುಟ್ಟಾಗಿ

ಹಚ್ಚಿ, ಚೆನ್ನಾಗಿ ಹಚ್ಚಿ; ನಯವಾಗಿ ಹಚ್ಚಿ; ನೀವಿ ಹೆಚ್ಚಾಗಿ

ನೀವಿಸಿ ಕೊಂಡವರಿಗೂ ಹಾಯಿ - ಹಾಯಿ; ನೀವಿದವರಿಗೂ

ಬೆಣ್ಣೆಯ ಬೆಲೆ ತಗ್ಗಿ ಹೋಗಿದೆ; ಕೆ. ಜಿ. ಅಲ್ಲ ಮಣಗಟ್ಟಲೆ

ಎಲ್ಲಿ ಬೇಕಾದರೂ, ಹೇಗಾದರೂ, ಯಾವಾಗಲಾದರೂ

ಬೆಣ್ಣೆ ಕದ್ದ ಕಳ್ಳನೊಬ್ಬ ಊರು ಕೇರಿಯ ಹುಡುಗಿಯರೆಗೆಲ್ಲ

ಸುಖವಾಗಿರಿಸಿದನೆಂದೂ ಯಾರೋ ಋಷಿಗಳು ಬರೆದದ್ದು 

ಬರೆದವರ ಪಾಪ ಪುಣ್ಯಗಳು ನಮಗೆ ಮಾತ್ರ ಬೇಡಪ್ಪ

ಕವಿ ಕಲ್ಪನೆಯೂ? ಕಲಿಯುಗದ ಅಲ್ಪ ನನ್ನ ಅನಿಸಿಕೆಯೂ?

ನಿಮಗೇನಾದರೂ ಗೊತ್ತೇ? ನಿಮಗೆ ನೀವಿದ ಅನುಬಂಧವಿದೆಯೇ

ನೀವಿಸಿಕೊಂಡಾಗಿನ ಸವಿ ನೋವಿನ ನೆನಪೆನಾದರೂ ಇದೆಯೇ?