ಸರಿಯೆಂದರೇನು?

ಸರಿಯೆಂದರೇನು?

ಡಾಕ್ಟರ್ ಕೆ. ಆರ್. ಎಸ. ಮೂರ್ತಿ

ಸರಿ ಇರಬೇಕೇನೋ ಸರಿಯೇ; ಯಾರಿಗೆ ಸರಿ, ಯಾರಿಗಿಲ್ಲ

ಇರುವುದೊಂದೇ ಸರಿ ಇರಬಹುದೇ? ಇಲ್ಲಪ್ಪ ಇಲ್ಲವೇ ಇಲ್ಲ

ಬರೀ ಒಂದೇ ತರಹದ ಸರಿ ಮಾತ್ರ ಹುಟ್ಟಲೇ ಇಲ್ಲ, ಗೊತ್ತೇ?

ಪರಿಪರಿ ಸರಿಗಳು ಬೇರೆ ಬೇರೆಯೇ ಕಡೆ ಧಿಡೀರನೆ ಹುಟ್ಟಿತೆ?

ಇದಕ್ಕೆ, ಅದು ಯಾರೆಂದು ಗೊತ್ತಿಲ್ಲ; ಇದು ಇರುವುದೂ ಪತ್ತೆಯಿಲ್ಲ

ಅದಾಗೇ ಆ ಸರಿಯು, ಈ ಸರಿಯನ್ನು "ಅಪ್ಪಣೆಯೇ ಸಾರ್" ಎಂದಿಲ್ಲ

ನಾನೇ ಸರಿ, ಅವರೇ ಸರಿ, ಒಬ್ಬರು ಮಾತ್ರವೇ ಸರಿ ಖರೆ ಎಂದರೆ

ಅನ್ನಿ ನೀವು: ಎಲ್ಲರೂ ಸರಿಯೇ; ಯಾರೂ ಸರಿಯಂತೂ ಆಗಿಹೋದರೆ

ಮಿಕ್ಕವರೂ ತಾವೇ ಸರಿಯೆಂದಾರು; ಅದಕ್ಕೆಯೇ ಸುಮ್ಮನೆ ತಲೆಯಾಡಿಸಿ

ರೊಕ್ಕ ಕೊಟ್ಟರೆ ಸರಿಯಲ್ಲದ್ದೂ ಸರಿಯೇ ಖರೆ; ಕಾಸು ಕೈಗೆ ಬಿಸಿಮಾಡಿಸಿ

ಮಿಕ್ಕ ಬೇರೆ ಬೇರೆ ಸರಿಯಲ್ಲದ್ದು ಸರಿ ಮಾಡುವ ತಂತ್ರ ಸರೀ ಅರಿತುಕೊಳ್ಳಿ

ಹಕ್ಕು ಯಾರಿಗಿದೆ ಗೊತ್ತೇ? ಚೂರಿ, ಪಿಸ್ತೂಲು, ದೊಡ್ಡ ಬಾಂಬು ಪಡೆದುಕೊಳ್ಳಿ

ಲಂಚ, ಮಂಚ ಇವೆಲ್ಲಾ ಗೊತ್ತಿರಬೇಕು; ಗುರೂ, ಬಾಬಾಗಳ ಕಾಲು ಹಿಡಿದು

ಕಾಂಚನ ಸೇವೆ ಮಾಡಲು ಕಲಿಯಬೇಕು; ಸರಿಯೇ ಬಾಯಿಯಿಂದ ಬಂದದ್ದು

ಸರಿಯ ಸೂತ್ರವಿದು; ಖರೆಯ ಸ್ವಾರಸ್ಸ್ಯವಿದು; ದಿಟದ ಗುಟ್ಟಿದು; ಮರೆಯದಿರಿ

ಹರೆಸುವೆ, ಹಾರೈಸುವೆ ನಿಜ ಬೀಜ ಮಂತ್ರ ನಿಮ್ಮ ವಶ; ಮುಂದೆ ಮೆರೆಯುತಿರಿ