ದಾಹವೊಂದಿದ್ದರೆ ಸಾಕು

ದಾಹವೊಂದಿದ್ದರೆ ಸಾಕು

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ತುಂಬಿ, ತುಂಬಿ ಉಂಬುವ ದುಂಬಿಯು ಆನು

ಉಂಡು ಕಕ್ಕಿದ ಎಂಜಲು ಅತಿ ಮಧುರ ಜೇನು

ಅಂತರಾತ್ಮದಲಿದೆ ಹಸಿವು ಹಗಲೂ ಇರುಳೂ 

ಸಂತನಂತೂ ನಾನಲ್ಲ, ಚಿಂತನವಿಂತೂ ಬರದು

ದಾಹ ಮಾತ್ರ ಈ ದೇಹದಲಿ ಇಹಕ್ಕೆ ಬಂದಾಗಿತ್ತ್ತು

ಮಹಾ ಮಂತ್ರಗಳ ಅಂತರಾರ್ಥ ಅರಿವಾಗದ ಚಿತ್ತ 

ಭರ ಭರದಿ ಧುಮ್ಮಿಕ್ಕಿ ಸುರಿಯುತ್ತದೆ ಸುರ ಜೇನು 

ಹರ ಸಾರ ಧಾರಾಮೃತ ಉಣಿಸುವ ಕಾಮಧೇನು 

ಚಿತ್ತವ ಚಾಚುವ ಗೋಚಿಲ್ಲ, ಹುಚ್ಚು ಹಿಡಿದರೆ ಸಾಕು

ಮಿತದ ಮಾತೇಕೆ ಅಮೃತಕೆ ದಾಹವೊಂದಿರಬೇಕು