ವರವೂ, ಶಾಪಗಳೂ ಜೊತೆಗೆ ಕೊಡುವುದೇಕೆ?

ವರವೂ, ಶಾಪಗಳೂ ಜೊತೆಗೆ ಕೊಡುವುದೇಕೆ?

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ನೂರು ನಾಲಿಗೆಯವನು; ಹಾರಿ ಕುಣಿವುವು ಬಹು ತಾಳದಲಿ

ನರ ಮಂಡಲವೆಲ್ಲಾ ವಿಪರೀತ ವಿದುತ್ಮಯ

ಬಾನಿನ ಮೂಲೆಗಳಲೆಲ್ಲಾ ಒಮ್ಮೆಯೇ

ಚಲಿಸೆ ಹಾತೊರೆಯುವ ಚಂಚಲ ಹಕ್ಕಿಯು ಮನ

ಸ್ವರಗಳು ಸಾವಿರ; ಅಕ್ಷರಗಳು ಐವತ್ತೆರಡೂ ಉಲಿಯುವುವು

ಎಪ್ಪತೆರಡೂ ರಾಗಗಳು ಕೂಗುವುವು ಮಂದ್ರದಿಂದ ತಾರದಲಿ

ಮಂಡೆಯಲಿ ಅಡಗಿವೆ ಇಡೀ ಆದಿ ಬ್ರಹ್ಮಾಂಡ

ಕಣ್ಣಿನಲಿ ಬೆಳಗುತಿವೆ ಒಂದೇ ಗಳಿಗೆಯಲಿ ಕೋಟಿ ಚಿತ್ರಗಳು

ಕೈಗಳು ಎರಡೇ; ಬೆರಳುಗಳು ಮಾತ್ರ ಹತ್ತು

ಕವಿಯ ಬೊಗಸೆಗಳು ಸಪ್ತ ಸಾಗರಗಳ ಹಿಡಿಯಲಾರದ ಜಿಗುಪ್ಸೆ

ವ್ಯಾಸ ಪ್ರಚಂಡರ ಅದೃಷ್ಟ ಜನುಮದಲೇ ದಿವ್ಯ ಜ್ಞಾನ

ಹಾಡಿದ್ದು ಮಹಾ ಋಷಿ, ಲೇಖನಿ ವಕ್ರತುಂಡನ ಕೈಗೆ

ಹಿಂದೆ ಯಾರಗೂ ಕೊಡದ ವರ ಕೊಟ್ಟಿರುವ ಬೊಮ್ಮ

ಶಾಪಗ್ರಸ್ತನು ಅಲ್ಲವೇ ಬರೆಯುವ ಭಾರ ಮಾತ್ರ ನನ್ನದೇ!