ಎಲ್ಲ ಪೂಜೆಗಿಂತ ಅತಿ ಮುಖ್ಯ

ಎಲ್ಲ ಪೂಜೆಗಿಂತ ಅತಿ ಮುಖ್ಯ

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ಅಲೆದಾಡೋ ಮನವೇ, ಮೂಲೆ, ಮೂಲೆಯಾವುದೂ ಬೇಕಾದರೂ

ಆಲಸ ಬೇಡ, ಬೇಸರ ಬೇಡ; ಸಲೀಸಾಗಿ ಅಲೆದು ಮೆರೆವುದಾದರೂ

ಆಸೆ ತುಸೂ ಬೆಸವಾಗದ ಹಾಗೆ ನಲಿದಾಡು ಮಾನವ ತುಂಬಿದೆದೆಯಲಿ

ನಶಿಸಿ ಹೋಗುವ ಕಾಲವೆಲ್ಲ ಕಳೆದ ಮೇಲೆ ಉಳಿವುದಿಲ್ಲ; ಮನದಟ್ಟಾಗಲಿ

ಇರುವುದು ಐದೇ ಅಲ್ಲವೇನೋ ಇಂದ್ರಿಯಗಳು; ಹಸಿವಿದ್ದಾಗ ಮೆರೆದಾಡೋ

ಇರುವುದಿಲ್ಲ ಉಬ್ಬಳಿಸುವಾಸೆಗಳು ಮುಪ್ಪಿಗೆ ಮುಂಚೆಯೇ ಕುಣಿದಾಡೋ

ಜೊಲ್ಲು ಸುರಿಸಿದ ಎಲ್ಲ ಭೋಗಗಳಲಿ ಭಾಗಿಯಾಗಿ ಬಿಡುವುದು ಶಿವನ ಸೇವೆ

ಇಲ್ಲ, ಮತ್ತೇನಿಲ್ಲ ಈ ಜನುಮದಲಿ; ಎಲ್ಲ ಪೂಜೆಗಿಂತ ಮುಖ್ಯವೋ ದೇಹ ಸೇವೆ