ಹುಟ್ಟಿನಿಂದ ಸಾಯುವ ತನಕ

ಹುಟ್ಟಿನಿಂದ ಸಾಯುವ ತನಕ

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ಬನ್ನಿ, ಬನ್ನಿ ಬ್ರಾಹ್ಮಣರೆಲ್ಲಾ ನಿಮಗೆ ಪ್ರತ್ಯೇಕವಾದ ಸಾಲು

ತನ್ನಿ ನಿಮ್ಮ ಪಂಚಪಾತ್ರೆ, ಉಧ್ಧರಣೆ ಕಾಶ್ಮೀರದ ಶಾಲು

ಪಂಕ್ತಿ ಬೇರೆ, ಆಗ್ರದ ಬಾಳೆಯ ಎಲೆ; ದೊನ್ನೆ ದೊಡ್ಡದಿದೆ 

ಭುಕ್ತಿ ಕೂಡ ನಿಮಗೆಂದೇ ತುಪ್ಪ ಹಾಕಿ ಒಪ್ಪವಾಗಿ ಮಾಡಿದೆ 

ಒಳಗೆ ಬರುವಾಗ ನಿಮ್ಮ ಜನಿವಾರ ಭದ್ರವಿರಲಿ; ಮಡಿ, ಮಡಿ

ಮೆಲ್ಲಗೆ, ಭಕ್ತಿಯಿರುವಂತೆ ನಾಟಕ ಮಾಡಿಕೊಂಡು ಹೆಜ್ಜೆ ಇಡಿ

ಗೊತ್ತಪ್ಪಾ ನಮಗೆಲ್ಲಾ!: ನೀವು ಹಣ್ಣಿನ ತೀರ್ಥ ಕುಡಿತೀರೀಂತ

ಬಿತ್ತಪ್ಪ ನಮ್ಮ ಕಣ್ಣಿಗೆ!: ನೀವು ತಲೆ ಮರೆಸಿಕೊಂಡು ತಿಂತೀರಂತ

ಕಾಲ ಬಹಳ ಬದಲಾಗಿದೆ ಸ್ವಾಮಿ; Just in Time ಜನಿವಾರ

ಸಾಲ ಮಾಡಿಕೊಂಡಾದ್ರೂ ರೆಡಿಯಾಗಿ ದ್ರಾಕ್ಷಿ ಹಣ್ಣು ಅಂತೀರಾ?

ಪರವಾಗಿಲ್ಲಪ್ಪಾ! ನಾವೇನು ನಿಮ್ಮನ್ನ ಈಗಲೂ ಬ್ರಾಹ್ಮಣ ಅಂತೀವಿ

ಖಾರವಾಗಿ ನಾವು ನಿಮ್ಮನ್ನ ಬೀದಿಗೆಳೆಯೋದೇ ಇಲ್ಲದೆ ಕೈಮುಗೀತೀವಿ

ಮರೆತೇ ಹೋಯಿತು: ಯಾರೋ ಹೇಳಿದರು ಕೋಳಿ ಬಲು ರುಚಿಯೇ?

ನಿರತ ಬ್ರಾಹ್ಮಣರಾಗಿ ಹುಟ್ಟಿರುವ ನೀವೀಗಲೂ ಬ್ರಾಹ್ಮಣರೇನೇವೇಯೇ!