ಹೊಟ್ಟೆಗೆ ಇಟ್ಟರೆ ಮಾತ್ರ ಸಾಹಿತ್ಯ ಗೋಷ್ಠಿ

ಹೊಟ್ಟೆಗೆ ಇಟ್ಟರೆ ಮಾತ್ರ ಸಾಹಿತ್ಯ ಗೋಷ್ಠಿ

ಡಾಕ್ಟರ್ ಕೆ. ಆರ್. ಎಸ್. ಮೂರ್ತಿ

ಅನ್ನಪೂರ್ಣೆಯು ರುಚಿ, ರುಚಿಯಾಗಿ ತಂದಾಗ ಮಾತ್ರ

ಕನ್ನಡದವರಿಗೆ ಸಾಹಿತ್ಯ ಗೋಷ್ಟಿಯ ಪುಷ್ಟಿ ಬರ್ತೀತ್ರೀ

ನಮ್ಮೆಲ್ಲರ ಗೋತ್ರ ಒಂದೇ; ತೀರ್ಥ, ಪ್ರಸಾದ ಇದ್ದಾಗ

ಹೆಮ್ಮೆಯೋ ಎಂಬಂತೆ ಅತೀ ಹುಮ್ಮಸ್ಸು, ತಿನ್ನುವಾಗ

ಯಾರೋ ಕಾದಂಬರಿಯನ್ನು ಓದಿ ಪುಟ್ಟ ಕತೆ ಹೇಳಿದರು

ಭರದಲ್ಲಿ ಮುಗಿಸುವ ಹೊತ್ತಿಗೆ, ವಿಮರ್ಶೆ ಮರತೇ ಬಿಟ್ಟರು

ಹುಟ್ಟೂರಿನಿಂದ ಬಂದ ಪಂಡಿತರಿಗೆಲ್ಲಾ ಒಂದೇ ಗಂಟೆ ಸಾಕೆ?

ಪೀಠಿಕೆಗೆ ಬೇಕಿನ್ನೊಂದು ಉಪ ಪೀಠಿಕೆ; ಇದಕ್ಕೆ ನಾವಿರ ಬೇಕೇಕೆ?

ಗಂಟೆ ಪೂರ್ತಿ ವಟ ಗುಟ್ಟಿದವರಿಗೆ ನಾವು ಬರೆದ ಪುಸ್ತಕ ಕಾಣಿಕೆ

ಪುಟ್ಟ ತೆಂಗಿನಕಾಯಿ, ಜೊತೆಗೆ ಮಾತ್ರ ಇಲ್ರೀ ವೀಳ್ಯದೆಲೆ ಅಡಿಕೆ

ತಿಂಡಿ, ತಿನಿಸು ಮಾಡುವರೊಬ್ಬರೇ! ತಿನ್ನಲಿಕ್ಕೆ ಐವತ್ತು ಹಾಜರು

ಚಂಡಿ ಹೆಂಡತಿ ಉಪವಾಸ ಹಾಕುತಾಳೆಂದು ಇರಬೇಕು ಬೇಜಾರು

ಗಂಡ ಮಾತ್ರ ಬರುವುದು, ಹೆಂಡತಿಗೆ ಸ್ವಲ್ಪ ಕನ್ನಡವೆಂದರೆ ಅಲರ್ಜೀ

ಗುಂಡ ಚಾಣಾಕ್ಷ!; ಹೆಂಡಿರಿಗೆ ಬೇಡಪ್ಪ ಅಡುಗೆ ಮಾಡಿ ತರುವ ಕಾಳಜಿ

ಅನ್ನ ಹಾಕಿದಳು ಹೆಸರಿಗೆ ತಕ್ಕಂತೆಯೇ ಅನ್ನಪೂರ್ಣೆ; ಎಂದೂ ನೆನೆಯಬೇಕು

ಕನ್ನಡದವರು ನಮಗೆಲ್ಲಾ ಇಂತಹ ನೆಪವಿದ್ದರೆ ಸಾಕು ಆಗ ಸಾಹಿತ್ಯ ಬೇಕು